«Наполи» бош мураббийи Луциано Спалетти италиялик журналистларни жамоанинг натижаларини етарлича ёритмаганликда айблади.
"Мен ва "Наполи" ҳақидаги айрим хабарларда инсофсизликни кўраман. Сиз Чемпионлар лигаси саралашидаги ажойиб натижани яширишга ҳаракат қиляпсиз” -, деди Спаллетти А Серияда «Сассуоло»ни 6:1 ҳисобида мағлуб этганидан кейин.
Унинг таъкидлашича, ОАВ клубнинг жорий мавсумдаги ютуқларини паст баҳоламоқда.
"Йигитларга қўшимча вазифа сифатида мен Скудетто ҳақида гапирганман» - деди «Наполи» бош мураббийи.
Спаллеттининг айтишича, журналистлар жамоанинг А Серия чемпионлиги учун курашдаги муваффақиятсизлигидан ҳозир фойдаланмоқда ва шу билан бирга, клуб Европанинг асосий турнирига кира олганини унутмоқда.
«Наполи» айни дамда А Серияда пешқадам «Милан»дан 4 очко ортда қолиб, учинчи ўринда бормоқда.
