Суперлиганинг 6-туридан ўрин олган “Бунёдкор” – “Олимпик” (1:5) учрашувидан сўнг меҳмонлар бош мураббийи Темур Кападзе ўз фикрлари билан ўртоқлашди.

- Жамоамиз аъзоларини ғалаба билан табриклайман! Йигитлар жуда яхши ҳаракат қилишди. Ҳужумчилар яхши ишлашди, аввалги ўйинлардан фарқли равишдада улар вазиятлардан унумли фойдаланишди. “Бунёдкор” яхши жамоа, уларга қарши қийин ўйин бўлишини билардик. Шу сабаб бу жамоага қарши жиддий тайёргарлик кўрдик. “Бунёдкор” иштирокидаги ўйинларни кўриб чиқдик, таҳлил қилдик. Улар “Нефтчи”га қарши бошқачароқ услубда ўйнашганди, бугун бошқачароқ услубни танлашди. Биз қисқа узатмалар орқали ўйин ташкил этамиз. Кўп жамоалар эса аксинча, узун узатмалар орқали ўйин ташкил қилишади. Бундай холатда улардаги заиф нуқталарни аниқлаш қийин. Биз қисқа узатмалар орқали “Бундёкор”даги бўшлиқларни аниқлашга ҳаракат қилдик ва буни уддаладик" - деди Кападзе.