Superliganing 6-turidan o‘rin olgan “Bunyodkor” – “Olimpik” (1:5) uchrashuvidan so‘ng mehmonlar bosh murabbiyi Temur Kapadze o‘z fikrlari bilan o‘rtoqlashdi.
- Jamoamiz a’zolarini g‘alaba bilan tabriklayman! Yigitlar juda yaxshi harakat qilishdi. Hujumchilar yaxshi ishlashdi, avvalgi o‘yinlardan farqli ravishdada ular vaziyatlardan unumli foydalanishdi. “Bunyodkor” yaxshi jamoa, ularga qarshi qiyin o‘yin bo‘lishini bilardik. Shu sabab bu jamoaga qarshi jiddiy tayyorgarlik ko‘rdik. “Bunyodkor” ishtirokidagi o‘yinlarni ko‘rib chiqdik, tahlil qildik. Ular “Neftchi”ga qarshi boshqacharoq uslubda o‘ynashgandi, bugun boshqacharoq uslubni tanlashdi. Biz qisqa uzatmalar orqali o‘yin tashkil etamiz. Ko‘p jamoalar esa aksincha, uzun uzatmalar orqali o‘yin tashkil qilishadi. Bunday xolatda ulardagi zaif nuqtalarni aniqlash qiyin. Biz qisqa uzatmalar orqali “Bundyokor”dagi bo‘shliqlarni aniqlashga harakat qildik va buni uddaladik" - dedi Kapadze.
