«Барселона» аёллар жамоаси Чемпионлар лигаси ярим финалининг жавоб ўйинида Германиялик рақиблари - «Вольфсбург»га 2:0 ҳисобида мағлуб бўлди, аммо бу каталониялик қизларни Чемпионлар лигаси финалига чиқишдан тўхтатмади.

Чунки улар биринчи ўйинда 5:1 ҳисобида ғалаба қозонишган. Шу тариқа, «Барселона» аёллар жамоаси кетма-кет иккинчи марта Чемпионлар Лигаси финалида иштирок этади.

Қизиғи шундаки, «Барселона» эркаклар жамоаси ҳеч қачон кетма-кет иккита Чемпионлар Лигаси финалида ўйнамаган ва охирги марта 2015 йилда Европанинг энг нуфузли кубогини қўлга киритган эди. 1988 йилда ташкил этилган аёллар жамоаси ҳозирги кубокнинг амалдаги соҳиби ҳисобланади.