«Арсенал» Дортмунднинг «Боруссия» клуби ярим ҳимоячиси Юлиан Брандтга қизиқиш билдирмоқда.
Футболчи ёзги трансфер ойнасида немис клубини тарк этмоқчи. «Канонирлар» қишдаёқ Брандтни қўлга киритишга уриниб кўришганди, аммо якунда келишувга эриша олмади.
Бироқ улар футболчини қўлга киритиш борасидаги уринишларини янгилашлари мумкин, чунки у «Боруссия»нинг кейинги мавсумдаги режаларида йўқ, деб хабар беради The Mirror.
Трансфер суммаси 18 миллион евро атрофида бўлиши мумкин. Брандт аввалроқ Премьер-лигага ўтишдан манфаатдор эканини айтганди.
