Англия премьер-лигасининг 35-туридан ўрин олган учрашувда «Манчестер Сити» «Лидс» меҳмони бўлди ва маҳаллий клубни 4:0 ҳисобида мағлуб этди.

«Лидс» учун бу мағлубият жамоанинг жорий мавсумда «Манчестер Юнайтед» ва «Манчестер Сити»га қарши ўтказилган тўртта ўйиндаги шармандали ҳолатини англатади. Жамоа ушбу икки клуб билан ўйинларда жами (1-5, 0-7, 2-4 ва 0-4) йигирмата гол ўтказиб юборди.

Бу Англия Премьер-лигасидаги антирекорд ҳисобланади, шу пайтгача ҳеч бир клуб бир чемпионат доирасида Манчестернинг икки клуби билан ўйинда бунчалик кўп гол ўтказиб юбормаган.

Аввалги антирекорд «Саутгемптон»га тегишли эди – ўтган мавсумда Манчестер клубларидан жамоа 18 та гол ўтказиб юборган.