Бразилиянинг «Атлетико Минейро» клуби ҳужумчиси Халк ўз фаолияти ҳақида китоб чоп этди, унда 2020 йилда «Тоттенхэм»га ўтказилмагани сабаблари ҳақида гапириб ўтди, деб хабар бермоқда The Sun.
«Шпорлар»нинг собиқ бош мураббийи Жозе Моуриньо ҳужумчини шимолий Лондонга олиб келмоқчи эди, аммо Халк виза талабларига жавоб бермади.
«Менда виза билан боғлиқ муаммо бор эди. Шу сабаб Италия, Испания, Германия, Англия ёки Францияда каби чемпионатларда ўйнай олмадим.
Кўп вақтимни Хитойда ўтказдим ва шунинг учун терма жамоага чақирилмадим. Адвокатлар ҳатто махсус виза олишга ҳам ҳаракат қилишди, аммо бунинг иложи йўқ эди», - дея Халкнинг сўзларини келтиради манба.
Шунингдек, Халк ўз вақтида «Атлетико Мадрид» ва «Бешиктош»га ўтиш имкониятига эга бўлгани, бироқ трансферлар амалга ошмай қолгани айтилади.
Халк 2021 йил 10 февралдан бери «Атлетико Минейро»да ўйнамоқда, аввалроқ футболчи Санкт-Петербургнинг «Зенит», Португалиянинг «Порту» ва бошқа клубларида тўп сурган.
