Янги мавсумдан бошлаб «Манчестер Юнайтед»ни бошқарадиган Эрик тен Хаг ҳозирда «Саутгемптон»да тўп тепаётган Жеймс Уорд-Проуз атрофида ўйин қурмоқчи, деб хабар беради The Sun.

Манбага кўра, тен Хаг «Манчестер Юнайтед» раҳбариятидан трансфер ойнаси пайтида Уорд-Проузни сотиб олишга рухсат олган.

Қайд этилишича, англиялик ярим ҳимоячининг трансфери «қизил иблислар»га 75 миллион еврога тушиши ва «Манчестер Сити» футболчи учун курашда уларга рақиб бўлиши мумкин.

27 ёшли Уорд-Проуз жорий мавсумда «Саутгемптон» сафида Англия Премьер-лигасида 33 та ўйинда майдонга тушиб, 9 та гол ва 5 та голли узатмани амалга оширди.

Трансфермаркт хабарига кўра, Жеймс Уорд-Проуз 32 миллион еврога баҳоланган.