«Барселона» бош мураббийи Хави ярим ҳимоячи Френки Де Йонг «Манчестер Юнайтед»га ўтиши мумкинлигини айтди.
«У муҳим футболчи бўлиши керак. Футболда унинг хислатларига эга футболчилар кўп эмас. Шахсан мен учун бу жуда муҳим. Френки ажойиб ўйинлар ўтказди, лекин шуни айтишим керакки, унинг тақдири ҳали аниқ эмас. Эҳтимол, ёзда жамоадан кетиши мумкин ёки йўқ», - дея Хавининг сўзларини келтиради AS.
Олдинроқ голландиялик футболчининг трансферига «Манчестер Юнайтед» бош мураббийи Эрик тен Хаг қизиқиш билдираётгани хабар қилинганди. Де Йонг жорий мавсумда Ла Лигада 28 та ўйинда майдонга тушиб, 3 та гол ва 3 та голли узатмани амалга оширди.
