"ПСЖ" бош мураббийи Маурисио Почеттино Лионель Мессининг Франциядаги дебют мавсумидаги ўйинини юқори баҳолади.
"Бу нафақат профессионал маънода, балки ўқиш йили эди. Бу Парижга кўчиб ўтиш эди, янги жамоадошлар билан янги лига. У кундалик шароитда ҳам мослашиши керак эди. Бу футболчига таъсир қиладиган жиддий ўзгаришлар", - дея Почеттинонинг сўзларидан иқтибос келтиради RMC Sport.
Шунингдек, мураббий Месси Диего Марадона билан бир савияда эканлигини, шунинг учун уни оддий футболчи сифатида баҳолаб бўлмаслигини айтди.
34 ёшли Месси жорий мавсумда "ПСЖ" сафида 31 та ўйинда майдонга тушиб, 9 та гол урди ва 13 та голли узатмани амалга оширди.
