КПР яримҳимоячиси Жейми Мэкки айтишича, унинг жамоаси мавсумнинг сўнгги ўйинида "Манчестер Сити"га яхшигина қаршилик қилиб, премьер-лигада ўрнини сақлаб қолишга ҳаракат қилади.
"Сити" анчадан буён чемпионликка бу қадар яқин келмаган эди. Унинг баъзи ўйинчилари премьер-лигада илгари чемпион бўлиб кўришган. Кутиш юки одамларга ҳар қандай ҳолга солиши мумкин.
Биз меҳмонда жуда ёмон ўйнаяпмиз, аммо бунга қачондир чек қўйилиши керак-ку? Ҳамма бу кун "Сити" учун буюк кун бўлишини тахмин қилмоқда. Аммо бу ўйинда бизнинг тақдиримиз ҳам ҳал бўлади ва ҳеч бўлмаса бир очко учун ҳам жонимизни бериб ўйнаймиз.
Биз у ерга отланиб, уларнинг байрамини вайрон этишга тайёрмиз. Бизни ҳамма ҳисобдан чиқариб бўлди, аммо биз ўзимизга керакли натижани қўлга киритишга руҳан тайёрмиз. Бу ҳақиқий жанг бўлади ва буни сабрсизлик билан кутмоқдамиз", - дея Мэккининг сўзларини келтиради КПР расмий сайти.
Эслатиб ўтамиз, "Манчестер Сити" ғалабага эришган тақдирда, "МЮ" қандай ҳисобда ғалаба қозонишидан қатъий назар чемпионлик унвонини қўлга киритади.
