"Катта Дубулға" турнирининг 21 карра чемпиони, дунёнинг собиқ биринчи рақамли теннисчиси, испаниялик Рафаэль Надаль "Реал Мадрид" футбол клубини чемпионлик билан табриклади. Надаль Испания Ла Лигасининг 34-тури доирасидаги "Реал Мадрид" - "Эспаньол" ўйинида иштирок этиш таклифи учун клубга миннатдорчилик билдирди. Ушбу баҳсда мезбонлар йирик ҳисобда ғалаба қозонишди – 4:0 ва Испания чемпионига айланди.
"Реал Мадрид"дан мени "Сантяго Бернабеу" стадионида ўйинни очиб беришга таклиф қилгани учун жуда миннатдорман. Бу шарафдир. Мадридлик мухлисларга қабул учун раҳмат. Даҳшатли атмосфера. Жамоани чемпионлик билан табриклайман”, - деб ёзди Надал ижтимоий тармоқларида.
Маълумот ўрнида, "Реал Мадрид" лига чемпионлигидан ташқари 19 марта Испания кубоги, 11 марта Суперкубок ва бир марта Лига кубогини қўлга киритган.
