"Манчестер Юнайтед"нинг собиқ ҳужумчиси Димитар Бербатов агар манкунианликлар Англия Премьер-лигасининг жорий мавсуми якунида кучли тўртликка кира олмаса, "қизил иблислар" ҳужумчиси Криштиану Роналду айбдор бўлмаслигини айтди.
"Роналду ўзининг ёши, ўйин услуби ва урган голлари учун ажойиб футболчи ҳисобланади. Унинг ёшида бир мавсумда Премер-лигада шунча гол уриш ақл бовар қилмайдиган ютуқ. У нима қилиши керак бўлса, ҳаммасини қилди.
Энди унинг ўйини аввалгисидан фарқ қилади, лекин бир нарса ўзгармади - у гол уришда давом этди.
Агар у "Манчестер Юнайтед"ни тарк этишга қарор қилса, биз уни айблай олмаймиз. Фаолиятингизнинг ҳар йили УEФА Чемпионлар Лигасида ўйнашга одатланган бўлсангиз ва кейин бундай имкониятга эга бўлмасангиз, буни қабул қилиш қийин", - дея Бербатовнинг сўзларини келтиради The Sun нашри.
