Мадриднинг “Реал” клуби “Челси” ҳимоячиси Антонио Рюдигер билан трансфер борасида келишувга эришди.
Журналист Фабрицио Романонинг хабар беришича, яқин кунларда Мадрид клуби марказий ҳимоячи билан 4 йиллик шартнома имзолайди. Томонлар комиссия миқдори ва бошқа тафсилотларни келишиб олдилар.
Рюдигерни жамоага жалб этишни истаган инсон жамоа бош мураббийи Карло Анчелотти бўлиб, у келишувни тартибга солишда муҳим роль ўйнади.
Хабар қилинишича, Антонио "Реал"да йилига 9 миллион евро ишлаб олади, шунингдек, унга шартнома имзолаганлик учун 8 миллион евро берилади.
"Реал Мадрид" ўз агентларига комиссия сифатида яна 15 миллион евро тўлайди.
