«Барселона»да ижара асосида ўйнаётган «Вулверхэмптон» ҳужумчиси Адама Траоре мавсум охирида Англияга қайтади. Испания клуби 26 ёшли футболчини тўлиқ сотиб олмоқчи эмас. Бу ҳақда Маrcа хабар бермоқда.
Олдинроқ Испания жамоаси футболчини 30 миллион евро эвазига сотиб олиш имконияти борлиги ҳақида хабар берилганди. Траоре «Барселона» тарбияланувчиси ҳисобланади. У 2015 йилдан бери фаолиятини Англияда давом эттиради. Адама «Мидлсбро», «Астон Вилла» каби клубида ўйнаган ва 2018 йилдан бери «Вулверхэмптон» аъзоси ҳисобланади.
Жорий мавсумда Траоре «Барселона» сафида 15 ўйинда 4 та голли узатмани амалга оширди.
