"Арсенал" "Болонья" ҳимоячиси Аарон Хикига кўз тикди, дея хабар беради Football London.
Жорий ёзда Лондон клуби раҳбарияти чап қанот ҳимоячиси билан шартнома имзолаш ниятида. Хики эса сотиб олиниши мумкин бўлган асосий номзодлардан бири. "Арсенал" унинг учун 18 миллион фунт тўлашга тайёр.
Манбага кўра, 19 ёшли шотландиялик футболчи ротация ўйинчиси сифатида қаралмоқда.
Жорий мавсумда Хики “Болонья” сафида А Серияда 33 та ўйинда майдонга тушиб, 5 та гол урди ва 1 та голли узатмани амалга оширди.
Унинг клуб билан шартномаси 2024 йилнинг июнигача амал қилади.
