Европа Чемпионлар лигаси ярим финалидан ўрин олган "Вильярреал" - "Ливерпуль" жавоб учрашуви якунига етди. "Де ла Керамика" стадиони мезбонлик қилган баҳсда "Ливерпуль" суперкамбэк эвазига 3:2 ҳисобида ғалаба қозонди.

Даставвал, биринчи бўлимда майдон эгалари Булайе Диа ва Френсис Коклен томонидан киритилган голлар эвазига танаффусга катта устунлик билан йўл олишди. Бироқ 2-таймда Клоппнинг жамоаси ўйин тизгинини бутунлай ўзгартирди. Дастлаб Фабиньо ҳисобни қисқартирди Луис Диас ва Садьо Мане томонидан киритилган голлар эса "Ливерпуль"га ғалаба ва финал йўлланмасини тақдим этди.

Эслатиб ўтамиз, томонлар ўртасидаги дастлабки ўйин 2:0 ҳисобида "қизиллар" фойдасига ҳал бўлган эди. Финалда "Ливерпуль" "Реал" - "Манчестер Сити" жуфтлиги ғолибига қарши майдонга чиқади.

Европа Чемпионлар лигаси, ярим финал, 2-ўйин
4 май, 00:00

"Вильярреал" - "Ливерпуль" - 2:3

Голлар: 1:0 – 3 Диа, 2:0 – 41 Коклен, 2:1 – 62 Фабиньо, 2:2 – 67 Диас, 2:3 – 74 Мане.

Вильярреал – Рульи, Фойт, Альбиоль (Орье, 79), Пау Торрес, Эступиньян (Тригерос, 79), Ло Чельсо, Коклен (Педраса, 68), Капу, Парехо, Жерар Морено (Чуквуэзе, 68), Диа (Пако Алькасер, 80).

Ливерпуль – Алиссон, Александер-Арнолд, ван Дейк, Конате, Робертсон (Цимикас, 80), Тиаго Алькантара (Джонс, 80), Фабиньо (Милнер, 84), Кейта (Хендерсон, 79), Салах, Мане, Диогу Жота (Диас, 46).

Огоҳлантиришлар: Капу (63), Александер-Арнолд (77), Ло Чельсо (81), Пау Торрес (85).

Четлатиш: Капу (85).