Yevropa Chempionlar ligasi yarim finalidan o‘rin olgan "Vilyarreal" - "Liverpul" javob uchrashuvi yakuniga yetdi. "De la Keramika" stadioni mezbonlik qilgan bahsda "Liverpul" superkambek evaziga 3:2 hisobida g‘alaba qozondi.
Dastavval, birinchi bo‘limda maydon egalari Bulaye Dia va Frensis Koklen tomonidan kiritilgan gollar evaziga tanaffusga katta ustunlik bilan yo‘l olishdi. Biroq 2-taymda Kloppning jamoasi o‘yin tizginini butunlay o‘zgartirdi. Dastlab Fabinyo hisobni qisqartirdi Luis Dias va Sadyo Mane tomonidan kiritilgan gollar esa "Liverpul"ga g‘alaba va final yo‘llanmasini taqdim etdi.
Eslatib o‘tamiz, tomonlar o‘rtasidagi dastlabki o‘yin 2:0 hisobida "qizillar" foydasiga hal bo‘lgan edi. Finalda "Liverpul" "Real" - "Manchester Siti" juftligi g‘olibiga qarshi maydonga chiqadi.
Yevropa Chempionlar ligasi, yarim final, 2-o‘yin
4 may, 00:00
"Vilyarreal" - "Liverpul" - 2:3
Gollar: 1:0 – 3 Dia, 2:0 – 41 Koklen, 2:1 – 62 Fabinyo, 2:2 – 67 Dias, 2:3 – 74 Mane.
Vilyarreal – Ruli, Foyt, Albiol (OrYE, 79), Pau Torres, Estupinyan (Trigeros, 79), Lo Chelso, Koklen (Pedrasa, 68), Kapu, Parexo, Jerar Moreno (Chukvueze, 68), Dia (Pako Alkaser, 80).
Liverpul – Alisson, Aleksander-Arnold, van Deyk, Konate, Robertson (Simikas, 80), Tiago Alkantara (Djons, 80), Fabinyo (Milner, 84), Keyta (Xenderson, 79), Salax, Mane, Diogu Jota (Dias, 46).
Ogohlantirishlar: Kapu (63), Aleksander-Arnold (77), Lo Chelso (81), Pau Torres (85).
Chetlatish: Kapu (85).
