Муборакдаги беллаушувдан кейин жамоамиз устози ўйин ҳақидаги фикрларини айтиб ўтди.

"Машъал" билан учрашувда ҳар бир футболчи ва жамоавий ўйин сифатидан қониқиш ҳосил қилдим. Биз ўйинда ташаббусга эришдик, кўплаб вазиятларни юзага келтирдик ҳамда улардан фойдалана олдик. Биринчи голни, иккинчи голни ҳам ўз вақтида урдик. 

Ёшларнинг тобора яхши ҳаракат қилаётгани мени қувонтирмоқда. Сергеев, Искандеров ва Козак жамоага бор имкониятлари билан ёрдам беришга интилишди. Биз имкон қадар ҳар бир баҳсда шундай ўйнашга интиляпмиз. Муборакдаги майдон ҳақида ижобий фикрлар билдирган бўлардим. Мавсум бошида вақт ўтиши билан биз яхши ўйнашни бошлаймиз деган эдим. Ҳозир жамоа шунга қараб интилишда. Яна бир ҳолатни алоҳида таъкидлашни истардим. Илҳом Суюнов жароҳатни даволаб жамоага қайтгач, ҳар тарафлама ўзини кўрсатмоқда. 

Биз учун бундай тажрибали футболчиларнинг етакчилик хусусияти жуда ҳам муҳим. Чунки ёшлар кўп бўлга