23-30 май кунлари Клубларни лицензиялаштириш бўйича ЎФФ ҳамда ПФЛ ходимлари, шунингдек, Олий Лига клублари учун семинарлар ўтказилади.
23-24 май кунлари ЎФФ ҳамда ПФЛ ходимлари учун семинарлар ташкил этилади. Унда ОФК ҳамда Ўзбекистондаги клубларни лицензиялаштириш тизими тўғрисида маълумот, лицензиялаштиришда қўйиладиган спорт, инфратузилмавий, маъмурий ва ҳуқуқий талаблар ҳақида тушунчалар берилади.
25-26 май куни худди шундай семинар Олий Лига клублари иштирокида ўтказилади. Семинарларни ОФК Клубларни лицензиялаштириш менежери Алишер Никимбаев ҳамда ЎзПФЛ Лицензиялаштириш менежери Алексей Фролов олиб боради.
27-30 май кунлари эса Олий Лиганинг тўрт клуби – «Олмалиқ», «Динамо», «Бухоро» ҳамда «Муборак» дастлабки баҳолаш жараёнидан ўтади. Лицензиялаштириш бошқармаси ходимлари, Олмалиқ, Самарқанд, Бухоро ва Муборакда бўлиб, тўрт кун давомида бу клубларнинг ҳужжатлари, стадиони, машғулот базаларини текшириб чиқишади.
