«Челси» вингери Кристиан Пулишичга Туриннинг «Ювентус» клуби қизиқиш билдирмоқда, деб хабар беради Tuttosport.

Манба берган хабарга кўра, «кекса сеньора» америкалик футболчини ёзда клубни тарк этиши мумкин бўлган Пауло Дибалага ўринбосар сифатида кўрмоқда.

Пулишичнинг ўзи жамоани ўзгартиришга қарши эмас, чунки у кўпроқ ўйин амалиёти олишни истайди. Футболчининг инглиз клуби билан шартномаси 2024 йилгача мўлжалланган.

23 ёшли ҳужумчи жорий мавсумда «кўклар» сафида барча турнирларда 34 та ўйинда майдонга тушиб, 7 та гол ва 4 та голли узатмани амалга оширди. Унинг Трансфермарктдаги нархи 45 млн евро.