«Chelsi» vingeri Kristian Pulishichga Turinning «Yuventus» klubi qiziqish bildirmoqda, deb xabar beradi Tuttosport.

Manba bergan xabarga ko‘ra, «keksa senyora» amerikalik futbolchini yozda klubni tark etishi mumkin bo‘lgan Paulo Dibalaga o‘rinbosar sifatida ko‘rmoqda.

Pulishichning o‘zi jamoani o‘zgartirishga qarshi emas, chunki u ko‘proq o‘yin amaliyoti olishni istaydi. Futbolchining ingliz klubi bilan shartnomasi 2024 yilgacha mo‘ljallangan.

23 yoshli hujumchi joriy mavsumda «ko‘klar» safida barcha turnirlarda 34 ta o‘yinda maydonga tushib, 7 ta gol va 4 ta golli uzatmani amalga oshirdi. Uning Transfermarktdagi narxi 45 mln yevro.