«Брайтон» ҳимоячиси Йоэл Велтман Эрик тен Хагнинг «Манчестер Юнайтед» бош мураббийи этиб тайинланиши ҳақида фикр билдирди.
Голландиялик футболчи ҳамюртини «МЮ» учун идеал танлов деб ҳисоблаб, мутахассиснинг яхши тактик тайёргарлигини қайд этди.
«Тен Хаг - ажойиб тактик мураббий, бу жамоага ҳозир керак бўлган нарса. «Манчестер Юнайтед»нинг ҳар бир футболчиси юқори савияда ўйнай олишини исботлади, шунинг учун уларга нима қилиш кераклигини айтиб берадиган устоз керак», - дея Велтманнинг сўзларини келтиради Sky Sports.
Эслатиб ўтамиз, тен Хагнинг «МЮ»га расман бош мураббий этиб тайинлангани шу йилнинг 21 апрель куни эълон қилинган эди. Мутахассис жорий мавсум якунида инглиз клубида ишлай бошлайди. Айни дамда 52 ёшли мураббий Амстердамнинг «Аякс» клубини бошқармоқда.
