Франциялик ҳимоячи Самуэль Умтити ёзда «Барселона»ни тарк этиши мумкин. У жамоага кераксиз футболчи ва узоқ вақтдан бери таркибга киритилмаяпти. Дембеледан фарқли ўлароқ, Хави Эрнандес Умтити муаммосини ҳал қила олмади.
Diario Sport нашри хабарига кўра, Умтити Лига—1га қайтиши мумкин. Хабарларга кўра, унинг хизматларига бирданига учта клуб қизиқиш билдирмоқда. Бироқ булар Франция чемпионатининг гигантлари эмас – «Ницца», «Монпелье» ва «Ренн». Умтитида шунингдек, Туркиянинг «Бешиктош» ва Италия А сериясининг номи ошкор этилмаган клублари ҳам даъвогарлик қилмоқда.
