"Интер" бош мураббийи Симоне Индзаги клуб билан шартномасини 2024 йилнинг ёзига қадар узайтиришга яқин турибди. Амалдаги келишув келаси мавсум охирида тугайди.
Football-Italia хабарига кўра, клуб 46 ёшли мутахассиснинг жорий мавсумда қилган ишларидан тўлиқ қониқиш ҳосил қилмоқда ва маошини йилига 4 дан 5,5 миллион еврога ошириш билан шартномани узайтирмоқчи.
“Биз Индзаги билан ҳамкорлик қилганимиздан жуда хурсандмиз. У ажойиб иш қилмоқда ва келажак учун яхши бошланишни кўрсатмоқда. Ўйлайманки, Симоне Анчелотти ва Аллегри ёшига етганда, у дунёнинг энг зўри бўлади", - деганди аввалроқ Милан клуби раҳбари.
Айни дамда “Интер” Италия чемпионати якунига 3 тур қолганида “Милан”дан 2 очко ортда қолиб, иккинчи ўринда бормоқда.
