«Барселона» дарвозабони Марк-Андре тер Штеген Германия терма жамоасининг июнь ойида бўлиб ўтадиган Миллатлар лигаси ўйинларига чақирилмайди. Бу ҳақда Германия футбол ассоциацияси (DFB) матбуот хизмати хабар берди.

«Марк билан унинг терма жамоадаги ва «Барселона»даги ҳолати ҳолати ҳақида жуда очиқ ва батафсил гаплашдик. Марк дунёнинг энг зўр дарвозабонларидан бири, аммо у сўнгги икки йил давомида тикланиш учун мавсум оралиғидан дам олмади. Қатардаги жаҳон чемпионати олдидан биз уни дам олиши муҳим деб ўйладик», - дея Германия терма жамоаси бош мураббийи Ханс-Дитер Фликнинг сўзларини келтиради DFB.

Июнь ойида Германия терма жамоаси Италияга қарши икки марта, Миллатлар лигасида Англия ва Венгрия билан ҳам биттадан ўйин ўтказади.