«Барселона» «Вулверхэмптон»нинг ижарага олинган ҳужумчиси Адама Траорени жамоада сақлаб қолмоқчи, дея хабар беради журналист Фабрицио Романо. Манбанинг хабарига кўра, испан клуби ўзаро алмашинувни амалга оширмоқчи. «Барселона» «Вулверхэмптон»га керакли суммани тўлай олмайди, шу боис ўз футболчиларидан бирини инглиз клубига бериш имкониятидан фойдаланмоқчи.
Олдинроқ Испания терма жамоаси футболчисини 30 миллион евро эвазига сотиб олиш имконияти борлиги ҳақида хабар берилганди. Траоре «Барселона» тарбияланувчиси ҳисобланади.
Жорий мавсумда Траоре «Барселона» сафида 15 ўйинда 4 та голли узатмани амалга оширди.
