Қаршининг "Насаф" клуби бош мураббийи Рўзиқул Бердиев "Шўртан"га қарши ўйин борасида ўз фикрларини билдириб ўтди.

"Ўзингиз гувоҳи бўлдингиз, очиқ ўйин бўлди. Биз "Шўртан" услубини олдиндан билар эдик ва бу билганларимиз биринчи бўлимда ўзини оқламади, аммо иккинчи бўлимда кўрдингиз, ҳаммаси ўзгариб кетди".

"Бизнинг футболчилар ўз ҳарактерларини кўрсатишди. Аммо биз биринчи бўлим учун умуман бошқача тактика танлаган эдик. Лекин бу ишни бажара олмадик, иккинчи бўлимда ҳаммасини ўзгартира олдик".

"Бугун таваккал қилиб бўлмасди, зеро "Шўртан" маркази жуда кучли. Криушенконинг ишига мен баҳо бера олмайман. Энг асосийси "Шўртан" жамоасида руҳ бор. Албатта "Шўртан"да жамоавий ўйин бор, "Локо"да эса иштиёқ. "Шўртан" биринчи йил бунақа ўйнамаяпти. Энг муҳими, биз бир неча йиллик анъанага барҳам бердик", дейди Бердиев.