Англиянинг "Ливерпуль" клуби "Абердин" ҳимоячиси Калвин Рэмзини сотиб олиши мумкин, дея хабар берди Liverpool Echo.
Манбага кўра, 18 ёшли футболчининг Шотландия чемпионатидаги муваффақиятли ўйини "қизиллар" бош мураббийи Юрген Клоппнинг эътиборини тортган. Мерсисайд суперклуби ёзги трансфер ойнасида Рэмзи учун ёзда расмий таклиф билан чиқишга тайёр.
Жорий мавсум ҳимоячи "Абердин" сафида 24 та ўйинда майдонга тушиб, 1 та гол ва 4 та голли узатма амалга оширди.