"Рома" ҳужумкор ярим ҳимоячи Николо Дзаньоло учун нарх белгилади.
22 ёшли италиялик футболчига Туриннинг “Ювентус” клуби ва Англия премьер-лигасининг бир қатор клублари қизиқиш билдирмоқда. Римликлар муҳим ўйинчини қўйиб юборишни истамаяпти, аммо Tuttosport нашрининг ёзишига қараганда, 50 миллион евролик таклиф "Рома"ни ёзда Дзаньоло билан хайрлашишга мажбур қилиш учун етарли бўлади.
Николо Дзаньоло жорий А Серияда 26 та ўйин ўтказиб, 2 бор рақиблар дарвозасини ишғол қилган. Унинг чемпионатда 4 та голли узатмаси ҳам бор. Конференция лигасида италиялик футболчи 8 учрашувда рақиблар дарвозасига 4 марта гол киритди.
