Франция терма жамоасининг собиқ ярим ҳимоячиси Эмануэль Пети "Манчестер Сити" бош мураббийи Хосеп Гвардиоланинг иш услублари ҳақида ўз фикри билан ўртоқлашди.
Эслатиб ўтамиз, 4 май куни "шаҳарликлар" Чемпионлар лигасининг ярим финал ўйинида "Реал" жамоасига қарши бўлиб ўтган иккита учрашув натижасига кўра (5:6) мағлуб бўлишди. Эслатиб ўтамиз, Гвардиола 2011 йилдан бери Европанинг асосий клуб турнирида ғолиб бўла олмаяпти.
Петининг фикрича, "Манчестер Сити"нинг асосий муаммоси руҳиятда.
«Пеп ўз принципларига шунчалик берилиб кетганки, у футболчиларнинг майдондаги эркинлигини унутади, бу ҳам бирдек муҳим. Гвардиола буни таъминлай олмайди», - деди Пети RMC Sport билан суҳбатда.
