"Барселона" ҳимоячиси Роналд Араухо шартнома узайтирилганидан кейинги ўз ҳис-туйғулари билан ўртоқлашди.
“Шартнома узайтирилганидан хурсандман. "Барселона" сардори бўлиш мен учун катта шараф бўларди. Фаолиятимнинг охиригача шу ерда ўйнашни истайман”, - деди Араухо Mundo Deportivo билан суҳбатда.
Ҳимоячи Испания клубига 2018 йилда уругвайлик “Бостон Ривер”дан 4,7 миллион евро эвазига ўтган эди. Бу қишда у Англиядан келган бир қанча таклифларни рад этди ва Каталония клуби билан шартномасини 2026 йилгача узайтирди.
Жорий мавсумда 23 ёшли уругвайлик футболчи “кўк-анорранглилар” сафида барча мусобақаларда 40 та ўйин ўтказиб, 4 та гол урган.
