Чап қанот ҳимоячиси Нуну Мендеш "Спортинг Лиссабон"дан тўлиқ трансфер эвазига "ПСЖ"га ўтишга яқин турибди. Эслатиб ўтамиз, жорий мавсумда Португалия терма жамоаси футболчиси парижликлар сафида ижара асосида ўйнади.
Инсайдер Адриен Греньенинг хабарига кўра, француз клуби Мендешни тўлиқ сотиб олиш учун Лиссабоннинг "Спортинг" жамоасига 40 миллион евро тўлайди. Футболчи билан тузилган шартнома 2026 йилгача амал қилади.
Эслатиб ўтамиз, аввалроқ "ПСЖ" "Спортинг"га сўралган харид суммасини камайтириш сўрови билан мурожаат қилган, бироқ Лиссабон клуби 40 миллион евро талаб қилганди.
