“Интер” ҳужумчиси Лаутаро Мартинес А Серия 36-тури доирасидаги “Эмполи”га қарши ўйинда (4:2) дубль қайд этди.

Эндиликда 24 ёшли ҳужумчи Италия чемпионатининг жорий мавсумида 33 ўйин ўтказиб, 19 та гол урди. Бу унинг янги шахсий рекордидир.

Мартинес ўтган мавсум А Серияда 38 ўйинда 17 та гол урган эди.

Қайд этиш жоиз, Лаутаро жорий мавсум “неррадзурилар” сафида барча турнирлар доирасида 46 та ўйинда майдонга тушиб, 23 та гол урди ва 3 та голли узатмани амалга оширди.