"Ливерпуль" ёзда ҳужумчи Садио Мане билан шартномани узайтирмоқчи. Эслатиб ўтамиз, сенегаллик ҳужумчининг амалдаги шартномаси 2022/23 йилги мавсум охирида якунига етади.
Liverpool Echo хабарига кўра, клуб раҳбарияти Мане билан музокара олиб бориш учун мавсум охиригача кутиш ниятида. Ҳозирча томонлар янги шартнома борасида молиявий масалаларда келиша олишмади.
Мане 2016 йилнинг ёзида "Саутгемптон"дан "Ливерпуль"га ўтган эди. Ўшандан бери сенегаллик ҳужумчи жамоага Премьер-лига, Чемпионлар лигаси, Лига кубоги, УEФА Суперкубоги ва клублар ўртасидаги жаҳон чемпионатида ғалаба қозонишда ёрдам берди.
