Англия чемпионатининг 36-тури доирасида «Манчестер Юнайтед» клуби сафарда «Брайтон» билан тўқнаш келиб, кутилмаганда, йирик ҳисобда имкониятни бой бериб қўйди.

Мезбонлар 15-дақиқада Кайседонинг голи эвазига ҳисобни очишган бўлса, манкунианликлар танаффусга қадар рақиб дарвозасига бирорта аниқ зарба йўллай олишмади.

Иккинчи таймнинг дастлабки 15 дақиқасида "Брайтон" "қизил иблислар" дарвозасига нақ 3 марта йўл топиб, ҳисобни 4:0 кўринишига келтириб қўйди.

Рангник шогирдлари қолган дақиқаларда вазиятни ўнглашга ҳаракат қилишди. Аммо уларга омад кулиб боқмади.

Шу тариқа, "МЮ" Премьер-лиганинг жорий мавсумида кучли тўртликка кира олмайдиган бўлди. "Брайтон" эса ўз очколарини 47тага етказди ва 9-ўринга кўтарилиб олди.

Англия премьер-лигаси, 36-тур
Брайтон – Манчестер Юнайтед 4:0 (1:0)
Голлар: 1:0 – 15 Кайседо, 2:0 – 49 Кукурелья, 3:0 – 57 Гросс, 4:0 – 60 Троссард.
Брайтон – Санчес, Данк, Велтман, Кукурелья, Марч (Лэмпти, 76), Гросс, Биссума, Мак Аллистер (Уэбстер, 67), Кайседо, Уэлбек, Троссард (Мопе, 83).
Манчестер Юнайтед – Де Хеа, Диогу Далот, Варан, Линделеф, Теллес, Мата (Магуайр, 70), Матич (Кавани, 46), Бруну Фернандеш, Мактомини, Роналду, Эланга (Фред, 46).
Огоҳлантиришлар: Роналду (45), Диогу Далот (47).