"Брентфорд" бош мураббийи Томас Франк жамоасининг "Саутгемптон" устидан қозонилган бугунги ғалабасидан сўнг Кристиан Эриксеннинг келажаги ҳақида гапирди.
"У бу ерда жуда бахтли ва клубдаги ҳаётидан тўлиқ қониқиш ҳосил қилади. У "Брентфорд"да футболни яхши кўради, у бу ерда ҳамма нарсани яхши кўради ва умид қиламанки, у мавсум охирида жамоада қолишга қарор қилади", деди мураббий.
Эриксеннинг "Брентфорд" билан шартномаси июн ойида якунига етади. 30 ёшли футболчининг хизматларига "Тоттенхэм" ва бошқа клублар қизиқиш билдиришди, бироқ Эриксеннинг ўзи ҳозирги жамоаси билан шартномани узайтирмоқчи.
