"Brentford" bosh murabbiyi Tomas Frank jamoasining "Sautgempton" ustidan qozonilgan bugungi g‘alabasidan so‘ng Kristian Eriksenning kelajagi haqida gapirdi.
"U bu yerda juda baxtli va klubdagi hayotidan to‘liq qoniqish hosil qiladi. U "Brentford"da futbolni yaxshi ko‘radi, u bu yerda hamma narsani yaxshi ko‘radi va umid qilamanki, u mavsum oxirida jamoada qolishga qaror qiladi", dedi murabbiy.
Eriksenning "Brentford" bilan shartnomasi iyun oyida yakuniga yetadi. 30 yoshli futbolchining xizmatlariga "Tottenxem" va boshqa klublar qiziqish bildirishdi, biroq Eriksenning o‘zi hozirgi jamoasi bilan shartnomani uzaytirmoqchi.
