"Навбаҳор"-"Динамо" (1:1) учрашуви якунига етгач, ҳар икки жамоа мураббийлари ўртасида матбуот-анжумани бўлиб ўтди. Меҳмонлар бош мураббийидан сўнг "Навбаҳор" бош мураббийи Мустафо Байрамов журналистларнинг саволларига жавоб берди.

Мустафо Байрамов ("Навбаҳор" бош мураббийи): Биринчи бўлимни кўнгилдагидек ўтказа олмадик. Аммо иккинчи бўлимда шогирдларим яхши ҳаракат қилишиб, гол ҳам кирита олишди. Агар биринчи таймда ҳам шундай руҳда ўйин кўрсатганимизда балки бугунги учрашувни ғалаба билан якунлаган бўлардик.

- Ўз дебьютини ўтказган Акбаршоҳ Рашидхонов тўғрисида нима дея оласиз?

- Ўйлашимча, ёш футболчи майдонда ўзини йўқотиб қўймади. Дебюти ёмон чиқмади. Унга кейинчалик ҳам имконият бериб борамиз.

- Жамоа ғалаба қозониши учун нима етишмади?

- Ўйинимиз ўзимиз истагандек бўлмади. Рақиб ҳам анойилардан эмасди. Шунга қарамай йигитлар ҳаракат қилишди. Лекин ўз мақсадимизга эриша олмадик.