"Манчестер Сити" бош мураббийи Хосеп Гвардиоланинг фикрича, чемпионлик учун курашда бутун мамлакат "Ливерпуль" томонида.
“Бу мамлакатда ҳамма “Ливерпул”ни қўллаб-қувватлайди, шу жумладан матбуот ва бошқалар.
Бунинг ажабланарли жойи йўқ, чунки "Ливерпул" Европада ақл бовар қилмайдиган тарихга эга. Ўттиз йил ичида бор-йўғи бир марта чемпион бўлган Премьер-лигада эмас, лекин бу улар учун муаммо эмас”, деди Гвардиола “Ньюкасл”ни 5:0 ҳисобида мағлуб этганидан кейин.
Англия Премьер-лигасида мавсум якунланишига 3 тур қолганида “Манчестер Сити” “Ливерпул”дан 3 очколик фарқ билан турнир жадвалида пешқадамлик қилмоқда.
