"Бавария" дарвозабони Мануэль Нойер клуб билан шартномани узайтириш борасидаги музокаралар ҳақида гапирди.
“Янги шартномам бўйича музокаралар жуда яхши кетмоқда. Кам вақтимиз қолди. Ҳаммаси яхши кетмоқда”, — дейди Нойер.
Аввалроқ, 36 ёшли дарвозабон "Бавария" билан шартномасини 2024 йилгача узайтириши ҳақида хабар берилганди.
Футболчининг клуб билан амалдаги шартномаси 2023 йилнинг июнида якунига етади. Нойер 2011-йилдан бери “Бавария”да тўп тепади.
2021/22 йилги мавсумда дарвозабон немис клуби сафида барча турнирлар доирасида 38 та ўйин ўтказиб, 36 та гол ўтказиб юборган ва 14 та ўйинда "нол"га ўйнаган.
