Мадриднинг “Реал” клуби “Монако” ва Франция терма жамоаси ярим ҳимоячиси Орельен Тчуамени ўз сафига қўшиб олмайди, дея хабар беради Marca.
Қайд этилишича, клуб футболчини сотиб олишни бир йилга кечиктиришга қарор қилган. "Реал Мадрид" сўнгги бир ой ичида Тчуамени диққат билан кузатиб борган, аммо унинг ўйинларидан қониқиш ҳосил қилмаган. Шу сабаб "қаймоқранглилар" бош мураббий Карло Анчелотти Чемпионлар лигасида ажойиб ўйин кўрсатган Эдуардо Камавингага ишонч билдирмоқчи.
Тчуаменига "Ливерпуль" ва "Челси" ҳам қизиқиш билдирмоқда. Лига 1нинг жорий мавсумида у клуби сафида 33 та ўйин ўтказиб, 3 та гол ва 1 та голли узатмани амалга оширди.
