"Тоттенхэм" бош мураббийи Антонио Конте журналистларга жамоанинг келаси йили АПЛда ғалаба қозониш имкониятлари ҳақида ўз фикрини айтди.
“Кейинги мавсумда чемпионликни қўлга киритишимизни тасаввур қилиб бўлмайди. Мен реалистман ва биламанки, Англияда "Ливерпуль", "Сити", "Челси" ва "Юнайтед" каби жамоалар жуда кучли ва уларга қарши ўйнаш осон эмас. Улар йиртқич ҳайвонлар”, - деди Конте.
"Шпорлар" бош мураббийи аввалроқ "Тоттенхэм"га ёзги трансфер ойнасида таркибни кучайтириш учун кўп пул керак бўлишини айтганди.
Ҳозирда "шпорлар" Премьер-лигада бешинчи ўринни эгаллаб турибди ва "Арсенал" билан Чемпионлар лигаси йўлланмаси учун курашмоқда. Мавсум тугашига 3 тур қолганда,"шпорлар" "канонирлар"дан 4 очко ортда қолмоқда.
