Туриннинг “Ювентус” клуби ярим ҳимоячиси Федерико Бернардески жамоани тарк этишга бир қадам яқинлашди.

Италиялик футболчининг "кекса синоьра" билан шартномаси жорий мавсум охирида якунига етади ва томонлар ҳалигача келишувга эриша олишмаяпти.

Calciomercato хабарига кўра, "Ювентус" Бернардескига футболчининг айни дамдаги маошидан анча паст маош таклиф қилмоқда. Туринда қолиш истагига қарамай, ярим ҳимоячи шартномани узайтиришдан бош тортиши ва жамоасини ўзгартириши мумкин.

Аввалроқ Бернардески "Лацио"га ўтиши мумкинлиги ҳақида хабарлар тарқалганди.