Лондоннинг “Тоттенҳэм” клуби бош мураббийи Харри Реднапп Европа чемпионлар Лигасида “Бавария” томонда бўлишини таъкидлаб ўтди. Эслатиб ўтамиз, агар бу баҳчда “Челси” ғалаба қозонадиган бўлса, тўртинчи йўлланма айнан уларга насиб этади.

 “Мен умуман олганда “Бавария”га мухлислик қилмайман. Бироқ Чемпионлар Лигасида қатнашишимиз учун жамоа ютиши керак бўлса, уларнинг тарафида бўлишим табиий”, дейди Реднапп.

Шунингдек, Реднапп чемпионлик пойгаси “Сити”нинг ғалабаси билан тугагани борасида ҳам ўз фикрларини билдириб ўтди.

“Тўғрисини айтсам, мен “МЮ”ни чемпион бўлди, деб ҳисоблаб тургандим, бироқ якун бутунлай бошқача кўриниш олди. Аниқ биламан, Фергюсон чемпионлик “Эвертон” билан ўйинда бой берилганини тушуниб турибди. Бу футбол. Бу ерда бирор нарсани олдиндан аниқлаб бўлмайди”, дейди Реднапп ВВС нашрига берган интервьюси чоғида.