"Аталанта" бош мураббийи Жан Пьер Гасперини ўрнига номзодлар ҳақида қарор қабул қилди.
Эслатиб ўтамиз, кечаги "Специя" устидан қозонилган ғалабадан сўнг италиялик мутахассис Бергамодаги келажаги сўроқ остида эканини айтганди.
DAZN нашри хабарига кўра, Гасперини "Аталанта"да икки киши билан алмаштирилиши мумкин. Бергамоликлар раҳбарияти асосий номзодлар қаторида “Торино” устози Иван Юрич ва “Верона” бош мураббийи Игорь Тудорларнинг номзодларини ҳам кўриб чиқмоқда.
Эслатиб ўтамиз, Гасперини «Аталанта»даги фаолияти давомида жамоани уч марта Чемпионлар лигаси гуруҳ босқичига олиб чиққанди. 2019/20 йилги мавсумда италиялик мураббий ушбу турнирда клуб билан чорак финалга қадар етиб бора олди.
