Сербиялик ҳужумчи Лука Йович энди "Реал"га керак эмас. “Қироллик клуби” раҳбарияти футболчини ёзги трансфер ойнасида сотишга қарор қилди.
Mundo Deportivo хабарига кўра, 24 ёшли ҳужумчи клубини ўзгартиришга тайёр. Йовични фаолиятини Германия чемпионатида давом эттириш варианти қизиқтирмоқда, у ерда унга Дортмунднинг «Боруссия» клуби қизиқиш билдирмоқда. Мадридга ўтишдан олдин Лука Франкфуртнинг "Айнтрахт" жамоасида муваффақиятли ўйнаганди.
Ҳужумчи жорий мавсумда Ла Лигада 13 та ўйинда майдонга тушиб, 1 та гол ва 2 та голли узатмани амалга оширди. Унинг шартномаси 2025 йилда якунига етади.
