Италиялик “Милан” кеча, 8 май куни “Верона” устидан қозонилган ғалабадан сўнг жорий мавсумда камида 80 очко жамғарди ва 2011-2012 йилги мавсумдаги натижасини такрорлади.
Opta Paolo порталининг хабарига кўра, ўшанда "россонери" 38 ўйин ўтказган ҳолда 80 очколи маррани босиб ўтган.
Жорий мавсумда Стефано Пиоли шогирдларига 10 йил олдингига ўхшаш натижага эришиш учун иккита ўйин камроқ керак бўлди.
Айни дамда “Милан” А Серия турнир жадвалида энг яқин таъқибчиси – “Интер”дан икки очко олдинда бормоқда.
