"Атлетико" бош мураббийи Диего Симеоне нима учун "Реал" устози Карло Анчелотти билан қўл бериб кўришишга қарор қилганини тушунтирди. У аввалроқ “Валенсия” устози Хосе Бордалас ва “Атлетик” бош мураббий Марселинолар билан ҳам қўл бериб кўришганини таъкидлади.
"Бу ўйинга боғлиқ", - деди Симеоне "Реал"га қарши ўйиндан кейин (1:0) матбуот анжуманида.
Бу савол аргентиналик мутахассис мавсум бошида «Ливерпуль» бош мураббийи Юрген Клопп билан қўл бериб кўришишдан бош тортгани учун можаролар марказига айланганидан кейин пайдо бўлди. Шундан сўнг Симеоне ҳамкасблари билан принципиал равишда саломлашиш ва хайрлашишдан бош тортишини айтди. Бироқ, аргентиналикнинг ўзи таъкидлаганидек, у баъзилар учун истисно қилади.
Шунингдек, Симеоне Анчелоттининг ютуқлари ва характерини ҳурмат қилишини айтди.
