"Манчестер Юнайтед" раҳбарияти "Аякс" бош мураббийи Эрик тен Хагнинг ёрдамчиси ҳисобланган Митчел ван дер Гагни жамоага таклиф қилиш бўйича музокаралар олиб бормоқда, дея хабар беради инсайдер Фабрицио Романо ўзининг ижтимоий тармоқларидаги саҳифасида.
Эслатиб ўтамиз, аввалроқ жорий мавсум якунида манкунианликларни тен Хаг бошқариши ҳақида хабар берилганди.
Ван дер Гаг 50 ёшда. У 2019 йилдан буён Амстердам клуби тизимида ишлаб келмоқда. Мутахассис “Эйндховен” ва “Эксельсиор” каби клубларда, шунингдек Португалиянинг бир қатор жамоаларида ҳам мураббийлик қилган.
